C’est la Bataille de Renart et d’Ysangrin.
Sans ce que ne’s anvoia querre,
Venus sont par mer et par terre
Tuit ensamble por lui servir,
Que bien lui volent obéir,
Por ce que chascuns bien savoit
De voir que il sa cort tenoit
A cez très hautes ennés festes,
Jugement de partot les bestes.
La gent le Roi ne fu pas qoie,
Par la sale mainent grant joie.
Tuit font feste enmi le palais,
Chantent notes, vielent lais.
Tuit i sont fors Renart le rous,
Dont a ouï mainte clamors,
Et mainte grant ire a éue
Li Rois qant sa gent fu venue.
L’un vers l’autre son chant avale,
Atant es-vos parmi la sale
Dont Grimbers venir et Renart ;
Mais s’or ne sel d’anging et d’art,
De ce que tant a fait la muse
A Ysengrin, qu’au Roi l’encuse,
Moult par tans, si com nos cuidons,
Iert de lui prise vengoisons,
Se or ne set Renars de frape,
