Et puis a dit que s’il pooit
Que jà Renars n’y partira :
A son pooir l’en gittera,
Si voist pourchacier autre part.
Lors dist au Roy : Se Diex me gart,
Tous li meillours que je y voie
Est que de ceste belle proie
Retenés à vo vuel trestout,
Et je le vuel trestout de bout.
Et vostres filz qui est ainsnés
Aura le veel, se vous volés,
A son mengier, que moult bons est,
Que il est tenres et de let ;
Il n’aura que huit jors demain ;
Et entre moy et ce villain
Nous en irons sans atargier
Par ces bois quérir à mengier.
Ou espoir ancor pis auroit.
Or demourés, que je m’en vois ;
Si vous porchaciés par ces bois,
Que ci ne vuel plus demourer,
Mais en vuel ma proie mener.
Puis que ainsi parti avés
Par moi contredit n’en serés.
Alés querre que mengerés,
Que de cesti ne gousterés.
Sire, dist Renars, ne le dites ;
Si m’aïst or Sains-Esperites,
