Mes courrous li soit pardonnés
Ichi alluec, pardevant vous ;
Jamais n’aurai vers lui corrous.
Nous vous vaulriens deprier
Que tu alasses espier.
Sire, volentiers, dist Renars.
Atant des compaignons se part.
Voir, tost el que pain li donroit.
Mais ains aura péril de corps,
Que Renars li avoit ruée
Une pierre et grande et lée
Dessus le corps, par tel aïr
Que dedens lou refist chaïr.
Li Roys Nobles et li Lous sunt
A mal aise quant rien ne font ;
Moult se merveillent de Renart
Que ne repaire celle part.
Sire, dist Ysengrins au Roy,
Alons vers lui, je vous en proi,
Savoir ce que est, qu’il ne vient.
Et dist li Roys : Vous dites bien.
Atant sunt celle part tourné ;
Ambdui courrent tuit abrievé.
Monsaingnour Noble enmi le pré
L’a véu, si li a mostré.
