A encomenchié à desclore.
Singnor, le tans que jou voie ore,
Est moult mués puis que premiers
Ne fui au siecles escoliers.
Jadis li siecles estoit teus
Que moult troviens poi sienteus :
Le siecle or est plains de barat,
Nus ne vaut rien sans sain de cat,
Ou de Renart sache parler,
Aveuc çou, s’il n’en seit user,
Pau doit-on entendre à ses dis.
Jel’ di pour çou nus hom mendis
Ne puet au jour d’ui porfiter
Se de barat ne set ouvrer ;
Et nous tuit soumes mendiant,
Par coi ne porons tant ne quant
Recovrer se barat n’avons
O nous, par coi nos le tenons
A ami et il nos menra
Par tout le mont et conduira
Devant Rois et devant Contours.
Se chiaus avons, çou est la flours
De tout le mont, je vos afi,
Car dou clergié d’iaus tous de fi
D’Apostoile, de Chardonaus,
Des Archevesques, nus de chiaus
N’ara si hardi pour le nés
Qui contredie en ces renés
Page:Le Roman du Renart, 1826, tome 4.djvu/51
Le texte de cette page a été corrigé et est conforme au fac-similé.
