Le texte de cette page a été corrigé et est conforme au fac-similé.
Orghilleus et Renart andoi :
Ensi vint Ghille jusqu’au Roi,
Et lors li a boin jour oré,
Et Nobles a lués demandé
D’Orguel ki est cis damoisiaus
Ki si par est cointes et biaus.
Et Ghille ki moult fist que sage,
Li dist, il est de vo lignage,
Fius Proserpine, et l’ot d’Orguel
Vo fil. Dist li Rois, je le voel
Avoir od moi, s’iert o mes fius,
Son pere sanle, il est gentius.
De joies en prist à canter
Orghilleus hautement et cler,
Tout cil del ost et sont entré
En Passe-Orguel par le grant porte.
Lors canta, c’amours li enorte,
Li Bievres qui moult fu jolis,
Ce chant qui moult fu bien oïs
Et en riant en haut le dist :