Andoi ramperent où coffin,
A Renart livrent grant hustin
De caillaus k’il gietent aval.
Ki lor vist Moriel le cheval,
Et Ferrant le roncin od lui,
Conment il font Renart anui.
Si faisoit Ysengrins li leus,
Et od lui Lonbars li cameus,
Et li dromadaires ses niés,
Cil fait sanlant k’il soit iriés.
Li bous i fiert, li ciers i frape,
Et li bugles oste se cape
Por plus grever Renart le faus.
Robués li bués crie, or à ceaus,
Faites le bien, signor baron.
Atant es-vous Rinoceron
Et od lui Hardi le lupart
Ki haut s’escrie, ore à Renart.
Li griffons fiert et tue et maille,
Le gent Renart forment travaille ;
Et li Ostrisses desdaigneus,
Cius i est et vistes et preus.
Ausi est Cantecler li cos,
Ke Percevaus ne Lanselos,
Ne Gauwains, ne li preus Tristrans,
En un jour nus d’eus si vaillans
Ne fu conme Cantecler fu.
Car si esporon sunt agu,
Page:Le Roman du Renart, 1826, tome 4.djvu/348
Le texte de cette page a été corrigé et est conforme au fac-similé.
