Page:Le Roman du Renart, 1826, tome 4.djvu/334

Le texte de cette page a été corrigé et est conforme au fac-similé.

Les trois Dames tot maugret elles,
Por çou que m’ont esté rebelles :
Car par l’aïmant lor maris
4740Ferai envers eles maris,
Si qu’eles seront encacies,
Et lors seront par nous ravies ;
Et se je ne les puis avoir
Par force, par prometre avoir
Les arai et par biau parler,
K’eles ne saront ù aler.
A çou que seront abaubies
Se seront moult tost obligies
De venir tout là ù vaurrai :
4750Car si descounéus serai,
Que ne me poront raviser,
Et mes gens ferai acesmer
A maniere de marcéans.
Grimbiers li dist, est li calans
Priès con pour le matin movoir.
Renart li respont, oïl voir.
Atant en laissent le parler,
Souper vont et puis reposer
En lor lis juskes au matin
4760Ke Renart se mist au chemin
En mer si qu’il ot devisé.
Tant a par mer au vent siglé,
K’il vint au port, puis ne ciessa,
Si vint là ù Noblon trouva