Le texte de cette page a été corrigé et est conforme au fac-similé.
Li otroia : à canter prist
Si haut que li bos en tentist,
Es les messagiers revolés
Lés le bos par devant les Dames ;
Et pour çou que ce ne fust blames
A eus, s’ariestent, saluées
Ont ; les Dame come senées
Ont as mès lor salus rendus.
Lors se teurent tot, fors sans plus
La Roïne ki dist ensi :
Messagier, par amors vous pri
Ne vous anoit, nous escrirons
Un escrit que renvoierons
A vo signor de par nous trois.
Cil le gréent à cele fois.
Lors ont les Dames tout escrit
Mot à mot çou c’avés oït,
- ↑
J’ai au cuer d’amer la raige.
Aimi, aimi !
Comment pourrai-je taut faire
Que j’aie ami ?
