Le texte de cette page a été corrigé et est conforme au fac-similé.
En signe kil sunt messagier
Ot cascuns un rain d’olivier.
Devant le Roi sans saluer
En sunt tot troi venu ester.
Waukés ki par amours amoit
Mehaut l’agace, au Roi vint droit,
Et li dist : Rois, Renart t’envoie
Unes letres, or les desploie,
Lors si saras k’il a dedens.
Li Rois les œvre et regarde ens :
Sen capelain les baille et rueve
K’il die en haut çou qu’il i trueve ;
A dire prist c’on se taisist,
En haut lut le letre et si dist.
