Le texte de cette page a été corrigé et est conforme au fac-similé.
Apriès Renart canta Hiersens
Ki de jalousie ot sen sens
Desvoiiet, ce rondet joli :
Apriès Hersent canta Harouge,
Un poi avoit la couleur rouge,
Mout volentiers fu escoutée :
Mon regart, puisqu’il li plest, forment m’agrée.
Quant tuit orent asses fiesté
Tant que il furent tout lassé,
On mist les tables, tuit laver
Vont, puis s’assiéent au souper.
Siervi furent de plusors mès.
Apriès souper font lor vallès
Faire lors lis, puis vont coucier
Dusqu’au matin c’on vit raiier
Le soleil, et puis se leverent
Li grant signor, et demanderent
Congié d’aler en lor païs
