Et dou meffait le clamast quite
S’il fust qu’en parlast. A le fuite
Se mesist, s’il osast de honte.
Renart ki bien set que ce monte
De guerre, voit li Rois paour
A, et k’il en a le millour
Dou giu, et à sa volenté
A soi méismes a pensé
Sages est ki fait de son tort
Son droit ; se mesires à mort
Estoit mis, et tout cil ocis
Ki od lui sunt, s’a tant d’amis
Li Rois que il seroit vengiés
De moi, u seroie caciés
Jou et li mien dou regne fors,
Et s’en seroie en la fin mors.
Pais ne puis faire ù n’aie hounor,
Car cascuns voit bien le millor
En ai, et se jou m’umelie
A men plus biel, je n’en dout mie
Que jou n’aie dou Roi pardon
Et si m’aront cier li baron,
Et si me porai bien vengier
D’Ysengrin que jou n’ai point chier,
Et au Roi le porai meller,
Pour çou que par lui recoper
Et par son conseil fist li Rois
Page:Le Roman du Renart, 1826, tome 4.djvu/223
Le texte de cette page a été corrigé et est conforme au fac-similé.
