Page:Le Roman du Renart, 1826, tome 3.djvu/47

Le texte de cette page a été corrigé et est conforme au fac-similé.

Mon chief, mes euz et ma feture,
20710Et si donez male aventure
Renart qui çà m’a amené.
Atant ont Renart escrié
Li braconnier qui l’ont véu,
Et li brachet sont esméu,
Si vienent soz le chesne droit
Où Dant Tybert li Chaz estoit.
Iloc conmencent à glatir,
Ne s’en veulent por riens partir
Devant que tuit li poignéor
20720Sont venu et li coréor.
Merveillent soi que li chien ont
Tant qu’il gardent el chesne amont,
Si ont choisi Tybert li Chat.
S’or ne se chevist par barat
Jà i porra tost escoter,
Quar il conmencent à giter
Que pieres, que bastons en haut,
Et il lor guenchist et tressaut,
Si li est bien de ce venu
20730Que il n’i ont nul arc éu.
Mès o les bastons en gitant
Le font sovent saillir avant,
Mès il ne l’en est à néent,
Ainz les tient à mavaise gent :
Ne prise rien tot lor ruer,
Il ne s’en fesoit que gaber,