Fait Droïn, tu les as mangiez.
Non ai, dit Renart, ce sachiez.
Si avez, ce dit Droïn, certes
Mal m’avez rendu les desertes
De ce que je servi vos é.
Tu es fox, il s’en sont volé.
Volé ! nu sont. Si sont, par foi.
Mentiroies en tu ta foi ?
Par foi, oïl bien, se je voil.
La male gote te criet l’oil,
Fait Droïn, mais à toi si face,
Je te donroie lez la face
Se je te pooie tenir.
Tu me ferras ! vien moi ferir.
Non ferai. Por qoi ? Je ne puis.
Tu ne puez ! voir, ne je ne ruis,
Mès or me di, traïtres fax,
Que as-tu fet de mes oisax ?
Que j’en ai fait ? Voire, di moi.
Jes ai mengiés en moie foi.
Mengiez, las ! Voire, par mon chief
Tu n’en vendras jamès à chief,
Et par trestoz les Sains del mont
Jamès d’icel mal ne cherront,
Et que qu’en déust avenir
Je te vodroie ausi tenir.
A icest mot s’en est tornez
Renart, n’i est plus demorez,
Page:Le Roman du Renart, 1826, tome 3.djvu/211
Le texte de cette page a été corrigé et est conforme au fac-similé.
