Fet-il ! Ysengrin l’esgarda,
Renart, fait-il, ce que sera,
Allez vos en moult tost de ci,
C’après moi viegnent, je vos di,
Trestuit li vilain d’une vile :
Se il vos pernent, par Saint Gile,
Il vos liverront à essil.
Sire, ce respont le Gorpil,
Alons-en donques sanz targier.
Atant se metent au frapier
Entre Renart et Ysengrin,
Ne tindrent voie ne chemin,
Que chascuns durement se dote ;
Mès li vilain en ont la rote
Perdue et retorné s’en sont :
Et cil moult durement s’en vont,
Car il n’ont talent d’arester.
Lors se pristrent à regarder,
Mès les vilains ne virent pas.
Dist Ysengrin, je sui moult las,
Que bien sachiez par Saint Omer
Que ne puis en avant aler ;
Un petit reposer m’estuet.
Einsi le fet qui miex ne puet,
Fait Renart, et je m’en irai,
Que hui en cest jor ne mengai,
Si irai querre ma viande.
Ysengrin à Deu le conmande
Page:Le Roman du Renart, 1826, tome 3.djvu/180
Le texte de cette page a été corrigé et est conforme au fac-similé.
