Le texte de cette page a été corrigé et est conforme au fac-similé.
Seignor, dist Renart, par mon chief,
Cest errer est pesant et grief ;
Il a el siecle meint prodome
Qui onques ne furent à Rome :
Tiex est revenuz des sept sainz
Qui est pires qu’il ne fu ainz.
Je me voil metre en mon retor,
Et si vivrai de mon labor
Et gaaignerai léelment,
Si ferai bien à povre gent.
Lors ont crié : outrée, outrée !
Si ont fete la retornée.
