Cil l’esgarde, puis li escrie,
Ha ! ha ! le Leu ! ahie ! ahie !
Li venéor, qant il l’oïrent,
Tantost de la meson saillirent
A toz les chiens par une haie :
Adonc Ysengrin moult s’esmaie,
Car Dant Costant venoit après
Sor un cheval à grant eslès,
Qui moult s’escrie à l’avaler,
Lesse, va tost, les chiens aler.
Li braconier les chiens descoplent,
Et li brachet au Leu s’acoplent,
Et Ysengrin moult se herice.
Li venéor les chiens atice
Et amoneste durement,
Et Ysengrin bien se deffent.
As denz les mort : qu’en puet-il mès ?
Assez amast-il miex la pès.
Dant Costant a l’espée traite,
Et por grant cop ferir s’afaite.
A pié descendi en la place,
Et vint au Leu devers la glace ;
Par deriere l’a asailli,
Ferir le cuida, si failli,
Le coup li cola en travers,
Et Dant Costant chaï envers,
Si que le haterel li saine.
Il se releva à grant paine,
Page:Le Roman du Renart, 1826, tome 1.djvu/76
Cette page a été validée par deux contributeurs.
