Le texte de cette page a été corrigé et est conforme au fac-similé.
Se il as poins le puet tenir
Il li fera ses jeus puir ;
Sel’ puis tenir, je vos plevis
Que il n’estordra mie vis,
Que devant moi croissi ma mere,
Si compissa moi et mon frere ;
Mès je l’en rendrai gerredon,
Jà n’en aura se la mort non.
Atant s’en reva en sa terre
Ysengrin, et fet mires querre
Qui de lui se sont entremis.
Avec lui furent ses amis
Qui li ont mecine donée
Par quoi sa force a recovrée.
Ysengrin est gariz et forz,
Se Dant Renart passe les porz
Et il le tient dedenz sa marche,
Sachiez qu’il li fera domage.