· · · · · · · · · Eschaudez eve crient.
Qui avient une, n’avient seulle.
Un jor de respit cent sols vaut.
Après le doil vient la grant joie.
Vilain ment volontiers toz tens.
· · · · Il ne set qu’à l’oil li pent.
Il n’est si grans max qui n’aït,
Ne bien qui ne nuise par eures.
Si est-il et raison et droit
Del engiguiere qu’en l’engint.
· · · · Qui ne trove, ne prent.
Fox est qui vers seignor estrive.
· · · · Tel quide son duel vengier
Moult bien qui son anui porchace,
Et son domage quiert et chace.
Droiz est qui mal vieut faire autrui,
Que le mal s’en vaingne par lui.
Tex est febles qui devient fort.
Au besoing voit-on son ami.
Tex cuide gaignier qui pert,
Et autre enborse le gaain.
· · · · Cil n’abat pas qui ne luite.
Toz jors siet la pome el pomier.
Foux est qui croit sa foie pense,
Moult remaint de ce que foux pense.
· · · · Qui pou emprunte, pou rent.
· · · · Qui euvre selonc reson,
Ne l’en puet venir se, bien non.
Moult est fox qui meine posnée
De chose qui li est prestée.
Ou tost ou tart, ou près ou loing
A li fort du foible besoing.
N’est pas tot or ice qui luist.
Et tiex ne puet aidier qui nuist.
