Qui si porte rouge corone,
Mès bien sai se il est persone,
Qu’il est ou Pape ou Cardonax.
Renart, fait-il, moult par es max,
Tu sez el que ton pain mengier,
Fox est qui de toi fet bergier,
Que par mes eulz ne par ma teste
Il n’a plus vesiée beste
Conme tu es en tout l’Empire.
Bien retiens ce que tu os dire,
Et cil reprent la meillor voie
Qui par autrui sens se chastoie,
Et tu as bien fet, ce me semble.
Or remanez ici ensemble
Entre vos deus, que je m’en part ;
Dit Ysengrin que il se gart
Que une autre foiz parte à droit,
Espoir à tel afere auroit
Qui li feroit encore pis.
Or demorez, que je ne puis
Demorer ici, je m’en vois,
Et vos, porchaciez par ces bois,
Se vos volez, vostre disner,
Qar en voil ma proie mengier.
Toi et Ysengrin, sanz mentir,
Par mon chief bien savez partir ;
Bien m’en acort à vostre dit,
Vos n’en aurez jà contredit
Page:Le Roman du Renart, 1826, tome 1.djvu/257
Le texte de cette page a été corrigé et est conforme au fac-similé.
