ladite sénéchaucée de Carcassonne, baronnie de Montpelier et vicomte d’Omellas ; de la baronnie, terre et seigneurie de Chateauneuf, de Vaulx, avec la place et lieu Flauniac, du lieu et place du lieu de Lamorelette, de la place de Labarte, de la baronnie de La Sauveterre, des lieux, places et seigneuries de Lamote, Navarrenca, Lospitalet, de Montdomian, le tout assis en la sénéchaucée de Quercy ; de la baronnie et seigneurie de Blanchefort, des lieux, terres et seigneuries de Benneperul (sic, pour Bonaguil) et de Sainct-Alier, le tout assis en la sénéchaucée d’Agenois ; du lieu, terre et seigneurie de La Mothe Sainct Dédier et de tout ce qui luy appartient ès-seigneuries et honneurs de Villefranche, Montpazier et de Villeréal, le tout assis en la sénéchaucée de Périgort ; des terres et seigneuries de Pouzole et de Rauzans, le tout assis en la sénéchaucée de Bazadès, et de leurs appartenances et appendances quelconques, qu’il tient, mouvant de nous à cause desdites sénéchaucées, baronnie de Montpelier, vicomté d’Omelas et de nostre couronne, auxquels foys et homages nous l’avons receu sauf nostre droit et l’autruy. Si vous mandons et à chacun de vous endroit soy (sic) et come à luy apartiendra que pour raison desdits foy et homages à nous non faits vous ne faites, ou donnés, ne souffrés estre fait, mis, ou donné audit de Roquefeuil aucun arrest, destourbier ou empêchement ; mais si sesdites baronnies… places, terres et seigneuries, apartenances et appendances d’icelles ou autres, ses biens sont ou estoient pour ce prins, saisis, arrestés ou aucunement empeschés, metés les luy ou faites mètre incontinent et ; sans délay à pleine délivrance, pourveu toutefois que ledit Brengon de Roquefeuil baillera dedans temps deu son dénombrement et adveu et qu’il faira et paiera les autres droicts et devoirs si aucuns en sont pour ce deus si fait et paiés ne les a. Car ainsi nous plaist-il estre fait.
Donné à Tours le quinsième iour de février, l’an de grâce mil quatre cens quatre vingts et trois et de nostre règne le premier. Par le Roy à vostre relation, Menon.
Lecta, publicata et quavis est necesse interinata in thesauraria Regia Montispesullani ad burellum praesentibus dominis officaryis regyis décima sexta die aprilis millesimo quatercentesimo quinto. R. Caberonis notarius.
Extrait et collationné sur un livre on papier d’hommages, serman de fidélité et dénombrement, commancé le dix-neuviesme janvier mil quatre cens soixante dix neuf et fini le vingt-quatriesme mars mil quatre cens quatre-vingts. Trouvé au Trésor des Chartes de sa Majesté, en la cité de Carcassonne, par l’ordre et en la présence de Messire Jean de Doat, conseiller du
