Mais, tout après, il y a grand deshait,
Quand, sans argent, s’en vient coucher Margot ;
Mais ne le puis ; mon cueur à mort la hait.
Sa robe prends, demy-ceinct et surcot :
Si luy prometz qu’ils tiendront pour l’escot.
Par les costez si se prend, l’Antechrist
Crie, et jure par la mort Jésu-Christ
Que non fera. Lors j’enponge ung esclat,
Dessus le nez lui en fais ung escript,
En ce bourdel où tenons nostre estat.
Puis paix se faict, et me lasche une gros pet
Plus enflée qu’ung venimeux scarbot.
Riant m’assiet le poing sur mon sommet,
Gogo me dit et me fiert le jambot.
Tous les deux yvres, dormons comme ung sabot
Et au réveil, quand le ventre luy bruyt.
Monte sur moy, qu’il ne gaste son fruit
Soubz elle geins ; plus qu’ung aiz me faict plat ;
De paillarder tant elle me destruict,
En ce bourdel où tenons nostre estat.
Vente, gresle, gelle, j’ay mon pain cuict !
Je suis paillard, la paillarde me suit.
Lequel vault mieux, chascun bien s’entrerait.
L’ung l’autre vault : c’est à mon chat mon rat.
Ordure amons, ordure nous affuyt.
Nous deffuyons honneur, il nous deffuyt,
En ce bourdel où tenons nostre estat.
Mathurin Régnier avait des mœurs guère plus avouables ; de son temps on le qualifiait de
