Li buen destrier se sont a terre pris, [*]
2555Et li vassal resont en piez sailli,
Espees traites, les escuz avant mis ;
Ja mostreront qu’il ne sont pas ami.
Li cuens Guillelmes en est sailliz en piez, [*]
Deu reclama, le pere dreiturier :
2560 « Sainte Marie, vierge pulcele, aidiez ;[*]
Ainz mais par ome ne perdi mes estriers. »
Gui d’Alemaigne fierement respondié :[*]
« Por Deu, Guillelme, ne te valt un denier.
Ge chaleng Rome, et les murs et le fié ; [*]
2565Ja Looïs n’en sera eritiers.
— Gloz, ? » dist Guillelmes, « Deus te doint encombrier ![*]
Que par l’apostre que requierent palmier,[*]
Ainceis le vespre ne le soleil colchié [*]
Te cuit ge si del cors apareillier [*]
2570Qu’on te porreit d’un besant eslegier. »
Il tint Joiose dont li branz fu d’acier ;[*]
Ou veit Guion durement le requiert,[*]
Granz cols li done sor son helme vergié, [*]
Que flors et pierres en a jus tresbuchié ;[*]
2575Ne fust la coife del blanc halberc doblier, [*]
Après ce colp n’eüst ja mais mestier. [*]
Desus la hanche est li cols apoiez, [*]
— 2554 A L. b. cheual — 2558 B est resailliz — 2560 B S. m. mere dieu quar maidiez — 2562 B tantost li r. — 2564 B les (B1 le) murs et le terrier — 2566 B la leçon + Cuides me tu (B2 Me cuides tu) auoir si esmaie Por ce que mas fait les arcons vuidier — 2567 B Por cel a. — 2568 B Ainz quil soit vespre — 2569 B1 Te cuide si — 2571 B est dacier — 2572 B vassalment l. r. — 2573 B Tel c. l. d. — 2574 B en fist j. t. — 2575 B1 del bon — 2576 A A. le c. ; A2 james neust m. — 2577 B Desoz la bocle e. l. c. abessiez
