Que ne te face cele teste trenchier [*]
2140Et toz les membres hors del cors esrachier.
— Gloz, » dist Guillelmes, « Deus te doint encombrier ! [*]
Ge ne te pris plus qu’un chien esragié. »[*]
Alion broche des esperons d’or mier[*]
Et fiert Richart en l’escu de quartier :[*]
2145Desoz la bocle li a frait et percié, [*]
Le blanc halberc desrot et desmaillié ; [*]
El flanc senestre li fait coler l’acier, [*]
Que de dous parz en fait le sanc raier.
Li buens chevals s’est del fais deschargiez,
2150Li esperon tornerent vers le ciel, [*]
L’aguz de l’elme est en terre fichiez [*]
Par si grant force dous des laz en rompié. [*]
Sor lui s’areste et trait le brant d’acier :
Mien escient ja en preïst le chief :
2155Es vos les quinze, cui Deus doint encombrier :[*]
Sore corurent Guillelme le guerrier. [*]
Qui donc veïst sor toz le conte aidier,
Al brant d’acier les riches cols paier, [*]
De gentil ome li preïst grant pitié.[*]
2160Si compaignon li sont venu aidier. [*]
Tot maintenant abat chascuns le sien,[*]
Tant lor aida li pere dreituriers
Que dis en ont ocis et detrenchiez ;
— 2139 B la teste rooignier — 2141 A G. d. li cuens — 2142 B plus quel chien e. — 2143 B des esperons des piez — 2144 B sus lescu — 2145 B et brisie ; A li fait fendre et percier ; leçon de C — 2146 leçon de C ; B Le bon h. rompu et d. ; A desrompre et desmaillier — 2147 B entrer lacier — 2150 leçon de C ; B en volent ; A manque — 2151 A Li coinz d. he. — 2152 B que .ii. laz en rompie — 2155 B .xvi. — 2156 B Sus lui trouuerent g. l. g. Seure li queurent ne le vont. (B2 voldrent) espargnier Il se defent loi de cheualier — 2158 A Al brant forbi ; B ferir et chaploier — 2159 B2 Del gentil conte — 2160 B li s. alez a. — 2161 B2 Tost fist chescun jus le sien trebuchier
