Respont Alelmes : « Irai ge donc tot sols ? [*]
1790— Oïl, bels frere, en vo main un baston. [*]
— Et s’il demande quels esforz nos avons ? [*]
— Et vos li dites quarante compaignons ; [*]
Et se cel plait vos refuse del tot, [*]
Trés bien li dites, oiant ses compaignons, [*]
1795Qu’ainz l’avesprer en sera si hontos [*]
N’i voldreit estre por tot l’or d’Avalon. »[*]
Respont Alelmes : « Vostre talent ferons. [*]
Par cel apostre qu’on quiert en pré Neiron,
Ja par message nule rien n’i perdrons. »
1800Il est montez sor un mul aragon,
Par mi les rues s’en vait a esperon,
Tresqu’a l’ostel n’i fist aresteison ;
Acelin trueve, molt ot de compaignons,
Il l’en apele haltement, oiant toz :
1805« Sire Acelins, nobiles gentilz om, [*]
Savez que mande Guillelmes li frans om, [*]
C’est Fierebrace, qui cuer a de lion ? [*]
Dreit venez faire Looïs vo seignor
Isnelement, quar de vos se plaint molt. »
1810Acelins l’ot, s’embroncha le menton :[*]
« Amis, » dist il, « g’entent bien la raison ; [*]
Di de ton oncle come a de compaignons. [*]
— En nom Deu, sire, trente chevalier sont.[*]
Dist Acelins : « A Deu beneïçon ![*]
— 1789 B et irai ge ; A1 irai i ge ; A2 irai ge i — 1790 A en ta main ; B Oil bels sire — 1791 B1 auons nos — 1792 B .lx. ; A1 fait défaut ici pour 160 vers par la perte d’un feuillet — 1793 A2 Tiegne cest plait ou refuste a estors — 1794 A2 voiant ; B deuant — 1795 A2 en sera il h. ; B Que ainz le vespre — 1796 A2 por lamor de mascons — 1797 B commant — 1805 B nobile poigneour — 1806 A Ici vos mande — 1807 A La f. qui a cuer de l. — 1810 B manque — 1811 B ta r. — 1812 B Dites combien auez d. c. — 1813 B1 bien sont .xxx. par non ; B2 .xxx. somes par non — 1814 A de d. b.
