Et fiert Guillelme par tel devision [*]
Que le nasel et l’elme li desront.[*]
Trenche la coife del halberc fremillon, [*]
1040Et les chevels li trenche sor le front, [*]
Et de son nés abat le someron.
Maint reprovier en ot puis li frans om.
Li cols devale par de desus l’arçon, [*]
Que del cheval li a fait dous tronçons. [*]
1045Li cols fu granz, si vint de tel randon [*]
Que treis cenz mailles en abat el sablon ;[*]
L’espee vole hors des mains al gloton. [*]
Li cuens Guillelmes salt en pié contre mont,
Et trait Joiose, qui li pent al giron ; [*]
1050Ferir le cuide par desus l’elme a mont, [*]
Mais tant esteit et parcreüz et lons [*]
N’i avenist por tot l’or de cest mont.
Li cols descent sor l’alberc fremillon,
Que treis cenz mailles en abat el sablon. [*]
1055La vieille broigne fist al Turc guarison ;[*]
Ne l’empira vaillant un esperon. [*]
Corsolz li dist dous moz par contençon :[*]
« Ahi ! Guillelmes, come as cuer de felon ! [*]
Ne valent mais ti colp un haneton. » [*]
1060Tuit cil de Rome s’escrient a halt ton, [*]
Et l’apostoiles, qui fu en grant friçon :
« Sainz Pere, sire, secor ton champion, [*]
— 1037 B1 Fiert en g. — 1038 B1 de lelme — 1039 B1 T. lauberc et la coife ; ce vers manque, ainsi que les 4 suivants, dans C — 1040 B1 manque — 1043 B1 par de deuant — 1044 B1 en a fait ; C Et fist .ii. pieces del destrier aragon — 1045 A de grant randon ; C manque — 1046 C manque — 1047 C hors de puins — 1049 A Et tint j. — 1050 B1 dessus son elme — 1051 X Mais tant est granz et p. e. l. — 1054 B1 en abat a bandon — 1055 A1 La meillor b. — 1056 C valissant .i. bouton — 1057 B1 .iii. moz ; manque, ainsi que le suivant, dans C — 1058 B1 de lyon — 1059 B Trestuit ti colp ne valent .i. bouton — 1060 B a .i. ton ; C a rion — 1062 C socoures vo baron
