Ainz mais por ome n’oi tel destrucion.
Et d’altre chose me retieng a bricon,
965Quant desor mei li delivrai le don. » [*]
Un dart molu a pris a son arçon, [*]
Envers Guillelme le lança de randon, [*]
Si bruit li cos come uns alerions. [*]
Li cuens guenchi, qui dota le felon,[*]
970Porquant li trenche son escu a lion :
La vieille broigne ne li fist guarison ;
Lez le costé li passe a tel randon [*]
Que d’altre part fiert dous piez el sablon.
Veit le Guillelmes, si tient le chief embronc,
975Deu reclama par son saintisme nom :[*]
« Glorios pere, qui formas tot le mont, [*]
Qui feïs terre sor le marbrin perron, [*]
De mer salee la ceinsis environ, [*]
Adam feïs de terre et de limon,
980Evain sa per, que de fi le savons, [*]
De paradis lor feïstes le don, [*]
Le fruit des arbres lor meïs a bandon, [*]
Fors d’un pomier lor veastes le don ; [*]
Cil en mangierent, ne firent se mal non, [*]
985Mais puis en orent si cruel guerredon [*]
Qu’en enfer furent, el puis de Baratron, [*]
Qu’adonc serveient Berzebut et Neiron. [*]
— 965 B Quant desus moi li ai done tel don Quil me ferist auant sur mon blason Lors ni fist plus li turs darestoison — 966 B2 trenchant ; B1 .i. dart a pris tranchant ; A tenoit li gloz felon — 967 B lenuoia — 968 C si comme un alerions — 969 A le gloton — 972 C par le — 975 C et son s. n. — 976 B sire ; C manque — 977 A et le m. p. — 978 A le closis ; B2 ceinsis terre — 980 B1 que de fi le set on ; B2 que de voir le set on — 981 C En p. — 982 manque ainsi que les onze vers suivants dans C — 983 A1 Fors du ; B2 dont fu deffension — 984 B Il e. m. ne lor fist s. m. n. — 985 A male rendation ; B2 Quar il en o. ; B1 Et il en o. si bien lor g. — 986 B enz el puis baratron — 987 B que tot s.
