Ge te dorrai onor et chasement
Plus qu’onques n’orent tuit ti meillor parent ; [*]
Quar tes lignages est molt de halte gent, [*]
860De tes proeces oï parler sovent ;[*]
C’iert granz damages se tu muers si vilment. [*]
Se le vuels faire, di le mei errament, [*]
O se ce non, ja morras a torment. [*]
— Gloz, » dist Guillelmes, « li cors Deu te cravent !
865Or te pris meins que al comencement ;
Al menacier n’a point de hardement. » [*]
Guillelmes monte molt acesmeement,[*]
Estrier n’i baille n’a arçon ne se prent. [*]
Prent son escu et a son col le pent ;
870L’espié brandist par si fier maltalent, [*]
Lance a fermee a l’enseigne qui pent. [*]
Li Sarrazins l’esguarde fierement, [*]
Et dist en bas, que nuls om ne l’entent :[*]
« Par Mahomet, ou la meie ame apent,
875Cil om est pleins de molt fier hardement. » [*]
S’adonc seüst Guillelmes son talent
Et il volsist prendre l’acordement,
Ja trovast pais assez legierement.[*]
— 858 X Plus que nen orent (B ont) ; A onques tuit ti p. — 859 B Quen son lignage a. — 860 B oy parler molt souent — 861 C manque — 862 A Se tu v. f. d. l. m. bonement — 863 A erraument ; C maintenant — 866 A En m. ; B Hom m. — 867 B A cez paroles g. plus natent Ainz est montez tost et deliurement — 868 C Ne si p. ; A1 ne arcon ; B questrier — 870 B Son espie prent — 871 B Lance en fremit ; C Lance auoit roide et le. q. p. — 872 B molt forment ; A lesguardent — 873 A Et dist soef ; B2 que nului ne lentent. — 875 A maltalent ; B Francois est pleins de molt grant h. — 878 B Ja eust
