De totes bestes, por le siecle estorer, [*]
Masle et femele fist en l’arche poser. [*]
Deus, de cel siecle qui de cels furent né [*]
Issi la vierge qui tant ot de bonté, [*]
720Ou vos deignastes vostre cors esconser. [*]
De char et d’os i fu tes cors formez, [*]
Et del saint sanc qui fu martir clamez. [*]
En Bethleem, la mirable cité,
La vos plot il, vrais Deus, a estre nez,[*]
725Tot veirement, a la nuit de Noel ; [*]
Sainte Anestase vos feïstes lever :[*]
N’ot nules mains por vo cors onorer ;
Vos li rendistes tot a sa volenté. [*]
Et des treis reis fustes vos visitez,
730D’or et de mire et d’encens esmeré ; [*]
Par altre veie les en feïs aler, [*]
Tot por Herode, qui tant ot cruelté,
Qui les voleit ocire et desmembrer.
Li innocent i furent decolé,
735Trente milier, ce truevent clerc letré. [*]
Trente et dous anz, come altres om charnels, [*]
Alas par terre le pueple doctriner ;[*]
Et si alas el desert geüner, [*]
Quarante jorz acompliz et passez ; [*]
740Et al deable vos laissastes porter. [*]
As blanches pasques, qu’on deit palmes porter,[*]
— 716 B por le mont — 717 C en la terre p. ; B ot en larche pose — 718 C De cel lignage qui la furent garde — 719 C a de bonte — 720 B aombrer. — 721 B refu t. c. f. — 722 A Et del saint cors — 724 A bels sire ; B1 plaist il — 725 B Tot droitement a. l. n. dun n. — 726 C qui vos rouit leuer — 728 A donastes — 730 B honore ; C par verte — 731 B raler — 735 C estoient par verte ; A .iiii. xx. mil trueuent li clerc letre — 736 A manque — 737 A Par terre alastes — 738 B Et es deserz alas tu — 739 C manque — 740 B manque — 741 C A bele p. q. o. d. celebrer ; B A ice jor quon dut palmes (B2 palmirs) p.
