Page:Langlois - Le couronnement de Louis.djvu/213

Le texte de cette page a été corrigé et est conforme au fac-similé.
26
li coronemenz looïs

Que vos voz oz retorner feïssiez :[*]
Ge vos dorrai le tresor del mostier ; [*]
N’i remandra calice n’encensier, [*]
520Or ne argent qui vaille un sol denier, [*]
Que ne vos face ça hors apareillier. »
Respont li reis : « N’iés pas bien enseigniez,
Qui devant mei oses de Deu plaidier ;[*]
C’est l’om el mont qui plus m’a fait irier : [*]
525Mon pere ocist une foldre del ciel ; [*]
Tot i fu ars, ne li pot l’en aidier. [*]
Quant Deus l’ot mort, si fist que enseigniez ;[*]
El ciel monta, ça ne volt repairier ; [*]
Ge nel poeie sivre ne enchalcier, [*]
530Mais de ses omes me sui ge puis vengiez ; [*]
De cels qui furent levé et baptisié
Ai fait destruire plus de trente miliers,
Ardeir en feu et en eve neier ;
Quant ge la sus ne puis Deu guerreier, [*]
535Nul de ses omes ne vueil ça jus laissier,
Et mei et Deu n’avons mais que plaidier :
Meie est la terre et siens sera li ciels. [*]
Se ge par force puis prendre cest terrier, [*]
Quant qu’a Deu monte ferai tot essillier, [*]
540Les clers qui chantent as coltels escorchier, [*]

    — 517 B1 fesissiez reperier ; B2 en faciez reperier — 518 B donroie — 519 B remaindroit ; manque ainsi que les 2 suivants dans C — 520 B vaillissant .i. denier — 523 A Qui deuant nos oses ici p. ; B Qui (B2 Quant) deuant moi osas d. d. p. — 524 C manque — 525 C B2 .i. effodre ; B1 .i. fodre de son c. — 526 C Toz li f. a. ; B n. len p. o. a. — 527 A lot ars ; B Et sachez bien dieus fait q. e. — 528 C ni ot que atargier ; B1 Quant est es cieux ne veut jus reperier ; B2 Ques ciel se tient jus ne veut reperier — 529 A1 poroie ; B1 La nen puis je ; B2 La nel puis ge ; C manque — 530 C aidie — 534 C Quant jou la fus — 537 C et il aura le chiel — 538 A cel terrier — 539 C ferai jou essillier — 540 C Les clers kel seruent ; B manque.