et sist sor i. destrier ki plus cort d’une alaine
qu’esmerillons ne vole à l’ aloe procaine ;
il ot l’un costé brun[1] et l’autre blanc com laine.[2]
quant le vit Alixandrea» d’à lui jouster se palne,
Bucifal esporone, se li lasque le règne.
ja ores d’ambes pars une juste certaine,
li dus a la ferir Alixandre le maine,
que sa lance pecoie sor le roi Macedaine,
et li rois le feri en l’escu d’Aquitaine,[3]
que tout li a percié et le brogne clavaine,
F. 8a si que mult près de l’ cuer li a trencié le vaine ;
toute plaine sa lance, l’ abat mort en l’araine.
les ii. batailles hurtent et la tiere fu saine,
fièrement s’entrecontrent à la première estraine.
As premeraines jostes cairent maint rasai
qui puis ne remonterent en sele de ceval.
là peuisies veir fier estor communal,
tant escu destrancié, tant elme, tant nasal,
le sanc et les cerveles espandre contrerai ;
au couart convenoit de guerpir son estal,
et li preu sostenoient et le paine et le mal.
et Alixandres point son destrier Bucifal ;
è l’ cief de la bataille va joindre Anabisal ;
cil est niès Nicolas et mult sot de l’ ceval ;
non porquant li ronpirent et caingles et poitral ;
parmi le cors li mist l’ensegne de cendal,
si que parmi le crupe l’ abati de l’ ceral ;
puis a traite l’espée, à 1’ png d’or à cristal ;
à l’ torner de la jouste ala ferir Cortal,
que l’elme li trenca et le vaine orgenal.
Emenidus l’esgarde, s’en apele Hunbal :
« voies, fait-il, de l roi ki fait tel bastital.
« onques si hardis princes ne monta sor ceval ;
« il n’espargne nu lui, car si cop sunt mortal ;
« cui il ataint a cop ne demeure en ceval.
« ancui lor fera traire i. dolerous journal
« il ne l’ laira garir ne en mont ne en val. »
Page:Lambert li Tors - Li romans d’Alixandre, 1846.djvu/55
Cette page n’a pas encore été corrigée
27
ENFANCE D’ALIXANDRE.
