le soir d’une grant feste que on dut celebrer,
sont venu à la rive por lor cors eslaver ;
ilueques veiscies bagnier tant baceler,
et courre par cele aighe et salir et noer ;
icel jour les alerent mainte gent esgarder.
Entrues 11 qu’Alixandres estoit ales bagnier,
la roine de Grese fist ii. cevaus cargier
de rices vestimens qui erent bon et cier ;
droitement à la rive les a fait envoier
le 22 novel roi de Grese qui le coraje ot fier,
qui onques jor n’ama felon ne losengier,
qui fist 33 ses compagnons devant aparillier,
et dist que li plus povre soient vestu premier,
s’ait cascuns bones armes et bon corant destrier.
les conrois Alixandre ne set nus esprisier,
toutes ses vesteures ne vous puis desrainier,
ses hauberc fu ouvrés en l’ile de Durier,
li pan sunt à argent, la ventalle à or mier,
(onques, de sa bonté, ne vit nus si legier,)
ses escus de sinople et ses brans fu d’acier.
iiii. mois et demi mist Biles 44 au forgier.
devant lui amenèrent Bucifal le legier,
Alixandres i monte, estrier n’i vot baillier.
la veiscies grant joie, à l’iscir de l’ gravier,
il erent bien iii. c. tot novel chevalier ;
cescuns point le ceval des esperons d’acier.
Felipes commanda la quintaine adrecier,
icel jor i ferirent li nouvel chevalier ;
li auquant se déduient au traire et au lancier ;
quant il ont behordet, s’asient au mangier.
la peuscies veir tant comte et tant princier ;
de la tiere de Grese i furent li guerrier.
ains qu’il fuscent levé, atant es 55 i. mesagier,
qui conta tel parole, sans dit de mencognier,
dont morurent as armes cm. cevalier,
Mult fu bele la cours en la sale à lanbrus.
par amour Alixandres servi Antiocus,
1) Dementre. 2) el. 3) a fait. 4) Bales. 5. es vous.
