et d’un mail k’il trouva, tant qu’il a trebucies, 11
li cevaus vit sen mestre, si est humelies ;
signourage li moustre, si est ajennolliés ;
plus fu et cois et mus qu’esmerillons en giés. 22
Alixandres le vit, si en fu forment liés,
sempres li fu li cols et li nos 33 planoies ;
hui istra de prison ù ot esté liiés.
Mult fu lies Alixandres, quant il vit le ceval
qui vers lui s’umelie et ne li fet nul mal ;
la crupe li manie 44 et les crins contreval
qui plus estoient cler que pieres de crestal ;
et le pan 55 li essue de l’ pan de son cendal
è l’ cief li met i. frain à or et à esmal ;
F. 5dau plus tos que il pot, monta sour le ceval,
et issi de la porte, dont fort sunt li mural,
en miliu de l’ palais, a pris li ber estal ;
de toutes pars le fuient, n’i ot issi vasal
qui osast arrester, tout le tienent à mal ;
quar ne sai à quans homes a fait laidure et mal.
Alixandres descent devant le dois roial,
li petit et li grand crioient communal :
« icis nos mostre ensegne de roi emperial. »
Tout ont ceste mervelle oie et entendue,
que Alixandres a Bucifal trait de mue :
onques n’ot è ï pais plus fiere beste mue ;
quant le virent venir, s’ont tel paor eue,
et la gens d’environ en est si esperdue,
cil se tient à gari, ki premiers se remue.
tos fu par le pais la novele seue ;
Griu et Macédoniens en ont grant joie eue,
et dient que lor tiere ert par lui deffendue,
et la Dan Nicolas gastée et confundue.
Mult fu de ceste coste 66 joians li roi Felis,
que ses fius Alixandres est si preus et hardis ;
onques en tout le mont ne nasqui si bons Gris.
la roine en fu lie, qui souvent i ot mis
son or et son argent, et sen vair et sen gris
1) que tos est esmués. 2) haitiés. 3) dos. 4) planie. 5) front. 6) cose.
