Page:Lambert li Tors - Li romans d’Alixandre, 1846.djvu/36

9

ENFANCE D’ALIXANDRE.

par losenge, par mordre, par enpuisonement ;
li mestre li ensegne, li damoisiaus l’entent.
   Une grant pièce après c’Alixandres fu nés,
vint i. hom è l’ pais, de grant sens renomés,
Nataburs ot à non, des arts ert bien fondés.^[1]
cil fu puis d’Alixandres et mestres et privés ;
cil li moustra de l’air toutes les qualités,
et en quele manière est li solaus levés,
et si comme la lune remue ses clartés,
et de l’ cors des estoiles li moustra-il ases.
cil sot tant d’ingremance, et si en fu usés,
c’ainc si bons encanteres ne fu de mère nés.
quant eust devant vus v^c. homes armés,
vus sanlast que cescuns fust i. arbres ramés,^[2]
et par^[3] aighe corant qu’i disies vus i près,^[4]
et mesist en sa bourses les tors de xx. cités.
de lui fust Alixandres mescreus et blamés,
por cou que de sa mère fu durement privés ;
dist-on k’il ert ses fius et de lui engenrés.
.i. jor le prist as maints^[5] sor i. mont ù il ert,
si le bouta aval que il fu lues tués.
   Mult fu ber Alixandre ; quant passé ot x. ans,
de par toutes les tieres a mandés les enfans,
les fius a rices princes et tous les plus vallans.
ases en poi de tans en ot ave lui tant
que s’il tenist la tiere à xiiij. amirans ;
largement lor donoit et faisoit lor talant.
ses osteus resanloit festes de marceans,
tant avoit entor lui de petis et de grans ;
ne prenoit pas consel as mauves recreans,
mais à ses gentius homes et tous les plus poisans ;
et cou est verites, n’en sui mie doutans ;
ja de male racine, n’est arbres bien portans.
   Alixandres s’aloit par i. jour deporter
dehors les murs d’araine, lès la rive de mer.
li contrée fut bele, li solaus luisoit cler ;

1. d’engien estoit parés :
2. qu’il fesist de tos arbres ramés.
3. et d’une.
4. quatre arpens de prés.
5. mains.