quar li plusior disoient, sens nule legerie,
que Alixandres est nés de bastarderie ;
car è l’ tans k’il fut nés, si com la letre die,
ert i. clers de l’ pais, plains de grande voisdie ;[1]
Natabus ot a non[2] en la langhe arrabie ;
à l’ nestre aida l’enfant, coi que nus li en die.[3]
Mult fu li enfes larges et preus de totes riens,
car de lui commenca li doners et li biens ;
ki de l’ sien demanda, de l’ veer ne fu riens.
il conquist les Hermins, Persans et Suriens,
et la gent d’Orient, et tous les Indiens,
et trestous ceus d’Aufrike, et les Eutropiens ;
ce conte l’escriture que tous li mons fu siens,
et k’il fu tous li miudres des princes terriens.
Grant joie fu en Grese le jor que il fu nés ;
ja estoit tous li mons issi anientés,
et li douners ceus,[4] avarises montés.
qui avoit le trésor, jamais ne fust mostrés ;
ancois estoit en tiere et repus et boutés.
ancor en a en tiere vc. sommiers torcés,
qui jamais ne sera ne veus ne trovés.
mais puis fu par le roi mains tresors effondrés,
F. 4det as fins cevaliers departis et dounés,
dont il prist les castiaus et brisa les cités ;
de coi fu par le mont roi et sires clamés.
mult fu par lui Porrus griement araisonés
sour l’aighe de Gangis, ù il fu encontrés.
a plus de xx. m. homes i ot les cies copés,
et li cors de Porru i fu pris et matés.
mult fu fiers Alixandres et hardis ses pensés,
quar se nus i[5] moustra ne orguel ne fiertés,
ne le pot garandir ne castiaus ne cités,
ancois que il ruist[6] xl. jors passés,
fu ses cuers, de valour isi enluminés,
que ains sers de putaire ne devint ses privés,
vilaine ne puciele ne l’ pot servir a grés.
Page:Lambert li Tors - Li romans d’Alixandre, 1846.djvu/32
Le texte de cette page a été corrigé et est conforme au fac-similé.
5
ENFANCE D’ALIXANDRE.
