qu’en lui prist-il l’engien de la guerre adurée,
et d’enbuscier agait dedens selve ramée,
dont de maint orgillous abati la posnée.
les bestes en fremirent, ki sorent la jornée,
que manière de car ne seroit ès mont née,
dont aucune ne fust par le roi sormontée.
a l’eure k’il fu nés, fu joie recouvrée,
et barnages creues et bontés ravivée,
que par mauves signor est si anientée,
que nul hom ne doutoit[1] vallant une denrée,
s’il ne seust de coi li fust guerredonnée.
mais poi[2] dona li enfès, et ot ciere levée,
quar la soie manière li fu trop esmerée,
et la soie bontés d’autre desnaturée.
qui coses li rouva, ains ne li fu vée.
oisiaus donna et ciens et mainte rice amée,
mainte pelice grise et hermine engolée,
et maint hanap d’argent, mainte cope dorée,
maint ceval bel et cras, mainte mule afeutée,[3]
ducées et roiaumes, por[4] k’il ot çaint espée ;
et par cou, fu sa gens si bien entalentée
de conquerre s’ounor, en batalle jostée ;
por que il fu armes et sa gens conraée,
autre gent contre lui n’eust nule durée.
ounor de signorie fu à cestui donée ;
mais cil ki ore sunt,[5] cantent la discordée.
li dons que cis douna, li fist tel présentée
que, par tout Orient, fu sa force mostrée,
dusc’as bones Arcu fu s’ensegnes mostrée,[6]
et il les trespasa plus d’une arbalestrée ;
et lança son espiel tout outre une ruée.
toute tenist la tiere ki puet estre abitée,
se ne li fust si tos la puisons destemprée,
par coi sa bele cars fu morte et entierée,
quant ot pris Babilone k’il ot si désirée. F. 4c
xxxii. ans[7] vescui et plus n’ot il durée ;
Page:Lambert li Tors - Li romans d’Alixandre, 1846.djvu/30
Cette page a été validée par deux contributeurs.
3
ENFANCE D’ALIXANDRE.
![](http://upload.wikimedia.org/wikipedia/commons/thumb/6/6e/Lambert_li_Tors_-_Li_romans_d%E2%80%99Alixandre%2C_1846.djvu/page30-1024px-Lambert_li_Tors_-_Li_romans_d%E2%80%99Alixandre%2C_1846.djvu.jpg)