Elle dict à son mary
« Jan Jan, vous n’avez que faire ;
Je vous prie allez dormir ;
Couchez vous en la couchette
Nous coucherons au grand lict. »
S’a dit la belle Cordière :
« Despouillez vous mon amy
Passons nous deux nostre ennuy. »
Il y vint un Procureur
Qui estoit de bonne sorte.
En faisant de l’amoureux
Il y a laissé sa robe.
Et sa bourse, qui vaut mieux.
Mais il ne s’en soucie guere.
« Approchez vous amoureux ;
Nous ne sommes que nous deux. »
Il y vint un cordonnier
Qui estoit amoureux d’elle :
Il luy portait des souliers
Faictz à la mode nouvelle :
Luy donna un chausse-pied,
Mais elle n’en avait que faire,
Ell’ n’en avait pas mestier :
Ils estoient à bas cartier.
Il est venu un Musnier
Son col chargé de farine,
La cordière a maniée.
Elle lui faict bonne mine.
Il a toute enfariné
Ceste gentille cordière
Il la faut espousseter
Tous les soirs après souper.
Il y vint un Florentin,
Luy monstre argent à grand somme ;
Tout habillé de satin
Il faisait le gentilhomme.
