Le texte de cette page a été corrigé et est conforme au fac-similé.
137
DE DIVERS POETES.
Pour orner la ſeur de celle,
Qui ſortit, le coup donné,
En armes, de la ceruelle.
Sonnet à d. l. l. par a. f. r.
Si de ceus qui ne t’ont connue, qu’en liſant
Tes Odes & Sonnets, Louïze, es honoree :
Si ta voix de ton lut argentin tempérée,
D’arreſter les paſſans eſt moyen ſufiſant :
Et ſi ſouuent tes yeus d’un ſeul rayon luiſant
Ont meinte ame en priſon pour t’adorer ferree :
Tu te peus bien de moy tenir toute aſſeuree.
Car ſi iamais ton oeil ſus un coeur fut puiſſant.
Il ha eſté ſur moy, & fait meinte grand’ playe :
Telle grâce à chanter, baller, ſonner te ſuit,
Qu’à rompre ton lien ou fuir ie n’eſſaye.
Tant tes vers amoureus t’ont donné los & bruit,
Qu’heureus me ſens t’auoir non le premier aymee,
Mais priſé ton fauoir auant la renommee.
