Le texte de cette page a été corrigé et est conforme au fac-similé.
16
Ne me prenne pour mon voyſin,
Car ces vertugalles ouvertes
Rendent ces feſſes découvertes,
Et moy auſſi le plus ſouvent,
Auſſi ſoudain que le devant,
Qui faict qu’à terre ie me vaultre,
Aiant paour de l’ung & de l’autre,
Pourtant ie les veulx adviſer
Sans plus longuement déviſer,
À leurs habitz qu’ilz donnent ordre
Tant qu’on n’y treuve plus que mordre,
Ou contre elles me faſcheray,
Et de mon vent leur laſcheray
Si très-punays, & ſi très-ord,
Qu’il ne reſtera plus que la mort ;
Et s’il advient que quelque amy
Me treuve au combat endormy,
En la grande néceſſité
Dye que ie ſuis irrité
Pour ces habillementz nouveaux
Qu’ont inventé ces ieunes veaux.
