Cette page a été validée par deux contributeurs.
5
LIVRE IV.
Pourquoy non ? puiſque leur engeance
Valoit la noſtre en ce temps-là,
Ayant courage, intelligence,
Et belle hure outre cela.
Voicy comment il en alla.
Un Lion de haut parentage
En paſſant par un certain pré,
Rencontra Bergere à ſon gré.
Il la demande en mariage.
Le pere auroit fort ſouhaité
Quelque gendre un peu moins terrible.
La donner luy ſembloit bien dur ;
La refuſer n’eſtoit pas ſeur.
Meſme un refus euſt fait poſſible,
Qu’on euſt vû quelque beau matin
Un mariage clandeſtin.
Car outre qu’en toute maniere
La belle eſtoit pour les gens fiers ;
Fille ſe coëffe volontiers
