Cette page a été validée par deux contributeurs.
Guillemette.
Saincte Dame !
Or, par le peril de mon ame,
Il vient d’aucune couverture.
Dieu ! d’où nous vient ceste aventure ?
Helas ! Helas ! qui le payera ?
Pathelin.
Demandez-vous qui ce sera ?
Par sainct Jehan ! il est jà payé.
Le marchand n’est pas desvoyé.
Belle seur, qui le m’a vendu.
Parmy le col soye pendu,
S’il n’est blanc comme ung sac de plastre !
Le meschant vilain challemastre
En est ceint sur le cul !
Guillemette.
Combien
Couste-il doncques ?
Pathelin.
Je n’en doy rien !
Il est payé : ne vous en chaille.
Guillemette.
Vous n’aviez denier ne maille !
Il est payé ? En quel’ monnoye ?
