Cette page a été validée par deux contributeurs.
Le Drappier.
Va, ta besongne est en bon poinct ;
Va t’en ! Je nen accorderay,
Par Dieu, je n’en appointeray
Qu’ainsi que le juge fera.
Ha, quoy ! chacun me trompera
Mesouen, se je n’y pourvoie.
Le Bergier.
A Dieu, sire, qui vous doint joie !
Il faut donc que je me defende.
Il frappe à la porte de Pathelin.
A-il ame là ?
Scène II.
PATHELIN, GUILLEMETTE, LE BERGIER.
Pathelin.
S’il ne revient, parmy la gorge !
Guillemette.
Et non faict, que bon gré sainct George !
Ce seroit bien au pis venir.