Cette page a été validée par deux contributeurs.
Par le sang bieu ! que je ne fais.
Je vous requier qu’on me delivre ?
Guillemette.
Et qu’est cecy ? Estes-vous yvre,
Ou hors de sens ? Dieu nostre pere !
Le Drappier.
Yvre ! Maugré en ait sainct Pere !
Voicy une belle demande !
Guillemette.
Helas ! plus bas !
Le Drappier.
Je vous demande
Pour six aulnes, bon gré saint George,
De drap, dame…
Guillemette.
On le vous forge !
Et à qui l’avez-vous baillé ?
Le Drappier.
A luy-mesme.
