Page:La Chanson de la croisade contre les Albigeois, 1875, tome 1.djvu/70

Le texte de cette page a été corrigé et est conforme au fac-similé.
58
[1210]
croisade contre les albigeois.

E so fe el mot ben, ses mot de mentizon,
1255Tro al seti de Terme, on avia mot baron,
E mot ric drap de seda e mot ric pavalhon,
Mota jupa de seda e mot ric sisclaton,
Et mot ausberc traslis e mot bon gonfanon,
E mota asta de fraiche, ensenha e penon,
1260E mot bo cavaer e mot bon donzelon
Alaman e Bavier e Saine e Frison,
Mancel e Angevi e Norman e Breton,
Logombart e Lombart, Proensal e Gascon.
Lo senher arsevesques qu’es de Bordel i fon,
1265N’Amaneus de Lebret, e cels de vas Lengon ;
Lai fan la carantena tuit aicel que i son,
Que cant la uni venon e li autre s’en vont ;
Mas R. cel de Terme nols preza un boton,
Que anc plus fort castel no cug que vis nulhs hom.
1270(p. 33)Lai teng[r]on Pentecosta, Pa[s]cha e Ascension,
E la maitat d’ivern, si com ditz la canson.
Oncas no vi nulhs hom tan rica garnizon
Co ac en sel castel, lai de vas Aragon
E de vas Catalonha, que fon de Rosilhon.

    camy, e dreit aldit Termes son anats, e ladita artilheria an menada ben e seguramen sans trobar desturbi et encontre. Adonc, quand lodit gentilhome es estat arribat aldit Termes, davant son senhor lo comte de Montfort es vengut, et ladita artilheria ly a presentada. Adonc lo C. de M. ly a pres a dire et demandar que ara la causa que avia tant apunhat de la ly transmetre ; loqual gentilhome a dit la causa com era estada de mot a mot, com lo dit Peyre Rogier les era vengut assalhir sur lo camy, et com lodit Verles venguet devers la cieutat, et les avian desconfits et mes en fuita ; de la quala causa lodit comte n’es estat mas joyos que qui ly aguessa donada la melhor plassa del monde. (p. 27.) — 1267. vont, ms. vaont ; le copiste pensait évidemment écrire van. — 1268. Ms. Mas n R. — 1274. fon, ms. son.