Page:La Chanson de la croisade contre les Albigeois, 1875, tome 1.djvu/272

260

[1217]

croisade contre les albigeois.

« E quel reis d’Anglaterras vol ab mi acordar,
« E cresser m’a de terra per so quel lais estar.
6190« Ez el es a Toloza intratz per demandar
« E per prendre las pagas que hom mi vol donar ;
« E faram tot l’aver trametre e enviar,
« Qu’ieu aia pro que metre, que tenir e que dar.
« E dit[z] me que no fassa mas de be garrejar,
6195« E conquerir la terra els enemics sobrar.
(p. 156)« Mas pero s’ieu podia bon acorder trobar,
« Can tornes e ma terra, sempre al repairar,
« Lo ric castel de Lorda me faria hom lhivrar,
« E Bearn e Bigorra e la terra bailar,
6200« Per totas las partidas, entro al rei Navar.
« E pos Dieus me vol creicher e aitant milhorar,
« S’ieu bona fi trobava ses perdre e ses mermar,
« Volontiers la pendria per lo dreit governar ;
« E pois iria Lorda e la terra cobrar,
6205« Per totas las partidas tro a riba de mar. »
El baro s’esbaudiron cels quel volon amar,
Mas motz n’i a ques prendo ins el cor a tremblar,
Car ilh agron temensa de lor deseretar.
Es en apres parleron de l’acordament far,
6210En las mas de l’avesque e els sans de l’autar.
Aital acordier fero entr’el e n’Azemar
Del filh e de la filha novelament fermar,

— 6206. Réd. en pr. Et adonc, quand lodit comte aguet dit tot so dessus a sas gens, uns de ses baros a dict a tots los autres : « Senhors, ieu soi en dobte que tot ane ben autramen que lo comte no dis, car a son semblan el fa chera per forsa. » Et adonc lodit C. de M. a trobat moyen et maniera de aver trevas an lodit comte jove (contre-sens, cf. v. 6211), afin de s’en venir vers Tolosa donar secors a sas gens (p. 90). — 6210. els, ms. dels.