En Berbo de Murel mot be acompanhat.
E l’avesques de Dia fetz gran malignitat,
Quel castel que tenia l’a rendut e livrat ;
Per que cel de Proensa eran tuit mescabat,
Tro que Deus i trames .Ia. dossa clartat,
Que venc devas Toloza, que al mon alumnat,
Que restaura Paratge e a Pretz colorat :
Per so quel coms lor senher motas vetz perilhat,
Que lo rics apostolis e li autre letrat
A tort e senes colpa tenon deseretat,
Es vengutz en la terra, on trobet lialtat,
D’en Roger de Cumenge.
En Rogers de Cumenge es ben pros e senatz,
E complitz de largueza e de totas bontatz.
El coms es en sa terra bonament repairatz,
E parla e coselha ab sos amics privatz :
« Senhors, » so ditz lo coms, « ara m’acosselhatz,
« Car be sabetz vos autri qu’es destrics e pecatz
« Car eu tant longuament estau deseretatz.
« Mas car orgolhs s’abaissa e creis humilitatz,
« No vulh santa Maria e vera Trinitatz
« Qu’ieu longament estia aunitz e abaichatz ;
« Car ieu ei a Toloza messatges enviatz
- ↑ — 5709. En, ms. Na.
— 5704. Réd. en pr. Et dementre que lodit C. de M. fasia tot so dessus, lo comte Ramon arribet devers son nebot le comte de Cumenge, loqual comte Ramon era arribat an una bella et granda compania de gens que menava d’Espanha, et aysso a causa que les habitans de Tolosa l’avian trametut sercar per certains messatgiers en Espanha, la ont lodit comte era per l’ara, despeis son partimen deldit Tolosa (p. 85). — 5707. Ms. E es.
