Ditz maestre Robert : « Senhors, mi escoutatz :
« Jes lo coms de Montfort nous recep per dampnatz
« Ni vol que vostres corses ni la vila perdatz,
« Mas cant d’u solamens que es rics e prezatz,
« Que sobre totz les autres es ab lui encolpatz.
— Senhors, » ditz n’Aimirics, « ieu soi lo menassatz ;
« Mais volh ir que remandre, e soi n’aparelhatz.
« Ab del mels de la vila e dels emparentatz
« Nos irem, senher n’abas, si vos autrens guidatz. »
Ditz maestre Robert : « N’Aimiric, no fassatz. »
E ditz li a l’aurelha : « Faret[z] i que membratz,
« Car entre vos el comte non er bona amistatz. »
Aisi fol parlamens empres e autrejatz,
E apres s’en anero dreitament e viatz
Tot dreit a Vilanova on fol cosselh triatz ;
Mas tals i anet soutz que n’er encadenatz,
Si Dieus no lor n’ajuda.
Si Dieus no lor ajuda e del tot nols socor
El son vengut al bres e al loc perdedor,
Car lo coms e l’avesques an cosselh celador,
- ↑
— 5268. Réd. en pr. « ... exceptat ung que n’y a, qu’es grand aparentat, loqual a faict alcunas causas contra lodit comte ; aquel exceptat deldit apontamen : mas se s’en vol anar, aura son sauf-conduict per s’enanar la ont bon ly semblara ny voldra. » Et adonc a respondut ung apelat n’Aymeric : « Senhors, ieu vesi ben que son aquel que es exceptat. Totavets m’en amy may anar que demorar ayssi. » Et adonc ly a dict ung de las gens deldit comte (cf. v. 5274) que fara que sage de s’en anar... (p. 83). — 5278-364. résumés en quelques lignes dans la réd. en pr. — 5281. Ms. n’ajuda.
