E li bratz e las cambas e li pung el brazo.
Tant es mala la guerra el perilhs el tenso
Que firen los ne menan, lor el comte Guio.
E cant il no conogro nulha autra guarizo
Lo coms de Monfort crida : « An lo foc a bando ! »
Ab aitant s’alumnero las falhas el brando.
— 5138 ss. Ici encore la réd. en pr. s’écarte de notre texte. Elle fait intervenir très-tardivement le comte de Montfort, et semble s’être attachée à mettre de la clarté dans le récit de l’incendie. Le morceau rapporté à la page précédente se poursuit ainsi : Et dementre que tout so dessus se fasia, lodit C. de M, es arribat et repausat dins ladita vila an tots los prisoniers que preses avia, et dins lodit castel s’es retirat, et losdits prisoniers y a metuts et tenguts. Adonc ly es estat dict et contat tot so dessus, et com los de la vila se son rebellats, et grands cops de sas gens tuats et blessats, talamen an faict que n’y a home que se ause trobar per la vila ny anar. Et quand lodit comte ausit tot so dessus, es pensat enratgiar de despiech que n’a agut. Et adonc a mandat a sas gens que cascun se arme tot prestamen, que on ane metre le foc per tota la vila, talamen que tot sia mes a foc et a sang, que no y demore res que sia, que tot ne sia tuat o brulat. Et adonc quand lasditas gens del C. de M. an ausit lo mandamen deldit senhor, tot incontinen les ungs son anats metre le fuoc a S. Remesy, les autres a Jots-aiguas (v. 5141), les autres a la plassa de S. Estephe, la ont a aguda granda bataria entre las gens de ladita vila et las gens del comte, talamen que les an faict retirar dins la gleysa de S. Estephe, et a la tor de Mascaro (v. 5143) et dins la mayso deldit evesque ; et aldit fuoc an donat orde de l’escantir et amolir. Et quand lodit fuoc es estat escantit, adonc los de la vila an faictas grandas trincadas et barradas per contrastar a lors ennemics (v. 5147), et talament se son affortits et reforsats et pres coratge que una partida de lors ennemics an faict retirar dins la mayson del comte de Cumenge (v. 5156), la ont los de la vila les sont anats sercar et gitar de ladita mayso mal a lor profich. Et adonc, quand lodit comte a vist et ausit que en tala forma los de la vila ly tractavan sas gens, es salhit de lo castel Narbones an ung tas de gens, et drech al long de Santas Carbas (v. 5162), es vengut, la ont son venguts al secors deldit comte les que eran dins ladita gleysa de S. Estephe et tor de Mascaro et dins la mayso deldit evesque (p. 80-1).
