Qu’en son mant home mort e manta gent peria
E o seran encara tro la guerra er fenia,
Car als estre non pot.
En l’orde de Cistel una abaya ot
Que fo pres de Leire, qu’om Poblet apelot ;
E si i a[c] un bo home qui abas en estot.
Per so car era savis de gra en gra puiot,
Que d’una autra abadia, Gran Selva (que hom sot
Que el estava lai et hom l’en amenot)
Ad abat l’elegiro ; e pueish, a l’autre mot,
Fo abas de Cistels per so car Dieus l’amot.
Aicest santimes hom ab los autres alot
Per terra dels heretges, et el les predicot
Ques volcen convertir ; e can plus les preiot
Eli plus l’escarnian el tenian per sot.
Per so si era legatz, que l’apostolis l’ot
Donat tant de poder quels decaia per tot,
La mescrezuda jant !
E l’abas de Cistels cui Dieus amava tant,
- ↑
- ↑ — 73. Il manque sans doute au commencement de cette laisse quelques vers dans lesquels l’auteur devait mentionner l’adjonction de Peire de Castelnau à l’abbé de Citeaux. En effet les verbes des vv. 75 et 77 (anavan, van) sont au plur. bien qu’il n’y ait qu’un seul sujet exprimé, et d’autre part Peire de Castelnau
— 71. On pourrait corriger qu’el, et faire alors du v. 72 non plus une apposition de los (qui est compris dans quels), mais le complément de decaia.
