A motz de lor crezens e de lor companhia.
Si de plus o diches ja non mentria mia.
Can lo rics apostolis e la autra clercia
Viron multiplicar aicela gran folia
Plus for[t] que no soloit, e que creichen tot dia,
Tramezon prezicar cascus de sa bailia.
E l’ordes de Cistel que n’ac la senhoria
I trames de sos homes tropa mota vegia,
Si que l’avesque d’Osma ne tenc cort aramia,
E li autre legat, ab cels de Bolgaria
Lai dins a Carcassona on mota gent avia ;
Quel reis d’Arago y era ab sa gran baronia,
E qu’en ichit adon[cs] can ac la cauza auzia
Que eretges estavan e aperceubut o avia :
El trames sos sagels a Roma en Lombardia.
No sai que m’en diches, si Dieus me benaziga :
No prezan lo prezic una poma porria.
.v. ans, o no sai cant, o tengon d’aital guia,
Nos volon convertir cela gent esbaya,
— 38 et suiv. Tout autre chose dans la rédaction en prose : ... de la quala heresia era grand pietat. Et lo S. Payre de Roma ne fouc advertit et certificat ; et per y donar ordre et recapte, mandet touta la gleysa militanta, couma son cardinals, evesques, archevesques, et autres prelats generalemen, per venir devers els a Roma, per tener son conseilh sur aquest cas, per veser com s’en devia gouvernar ny proceder ; et aysso per abatre e cassar ladita heresia. Er lo qual conseil se troberen touts losdits prelats, ainsi que mandat lor era per lodit S. Payre, per anar contra los eretges. Et dis l’historia et libre que en la deliberation del conseilh tengut per lodit S. Payre et per losdits prelats, et aysso a Roma, fouc dit et apountat que lodit abat de Cisteaux, que dessus es facha mention, loqual era un grand clerc, seria trames en aquestas partidas, etc. (Hist. anon. de la Guerre des Albigeois, nouv. édit. ... par un indigène, Toulouse, 1863, p. 2). — 48. Ms. a don. — 54. Ms. convertit.
