Li coms e li crozats s’en van per mei la estreia
Al castel de Biron l’ouriflama leveia ;
Mot l’agron viatz pres sens autra demorea ;
Marti Algai aucizon a mort desonorea :
A chival l’en fan traire, so es veritats proea,
E puis si fon pendutz vezent totz en la prea.
Lo castel comanderon a aicela vegea
A n’A. de Montagut e tota l’encontrea.
Ves Moissac s’en torneron puis en la matinea,
Be .III. legas fan els cascun jorn lor jornea.
Aisi co plus pot l’ost s’en vai tota arotea.
Madona la comtessa a adoncs lo coms mandea,
E venc lai per Catus, mot es pros e senea,
Ab .XV. melia omes de bona gent armea.
Castus s’era rendutz, on er lor alberguea,
Al comte Baudoï e a nostra crozea.
A Pena d’Agenes s’es la osts ajustea,
A Moncug repaireron mati a la dinnea,
[E] a l’autre a Moissac can tercia fo sonea.
Li roters son dedins ab mot granda mainea
Que i esteron lo ser.
- ↑ — 2465. Corr. on er l’ost ? Plus claire, mais probablement remaniée, est la leçon de la réd. en pr. : ... losquals eran ben quinze mila, losquals menava et conduisia lo comte Baudoy fraire deldit comte Ramon (p. 47). — 2466. nostra, ms. nostro.
avia laissat son senhor lo C. de M., loqual castel a la fin de causa fonc pres per forsa, amay lodit Alguay, loqual lodit C. de M. fec prendre et stranglar a ung gibet... (p. 47).
